Wolves zaanglek pakhat nih Ronaldo a uarnak le cawntlak a si zia a chim

 

Wolverhampton Wanderers hmaikal Diogo Jota nih ka hngakchiat lio tein Ronaldo celh mi cu TV ah ka zoh tawn ii ka rak uar ngai tiah a phuan ve cang.

Diogo Jota hi Atletico Madrid in Wolves club lei ah a rak tthial mi a si ii nikum season chungah khan a ke a chuah ngai caah Portugal ram aiawhtu dingin auh a si ve ii Nations League squad ah khan aa tel ve mi a si.

Nikum Premier League a zoh mi nih cun zeitluk in dah Wolves an tthat ti cu nan hmuh cio mi a si ko ii mah ah khan Jota hi a biapi bik mi a si ve.

Kum 22 a si mi Jota hi Ronaldo a uar tuk lawng si loin Ronaldo bantuk in training a tuah tikah hawi nak in tam deuh piin a tuah tawn ve mi a si.

Jota nih “A mah(Ronaldo) hi mi ttha ngai a si ii ka uar ngai. Hla phuah kan rak timh ii a mah(Jota) hi a thiambik tiah a rak ka ti. Mah nih hin ka lung a ka hmuiter ngai. Mah hla cu Portugal hla a si.

Ka hngakchiat lio tein ka saya (hmailei ka lam a ka sawh piaktu) dingin TV chungah ka rak zoh lengmang A tu cu a mah he chuihtti nak caanttha ka ngah ve cang. Mah cucu keimah caah cun a sunglawi mi teinak pakhat a si ve. Cun a si khawh chungin a mah sinin cawn kaa tim peng.

Aa zuam ning, training dih hnu hmanh khin sprint (khulrang ngai in tawi te tlik) tuahnak lei ah a kal, training hlanah gym a tuah peng, mah pawl hi a mah sinin ka cawn khawh mi a si. Punghman tuah mi chung i a hleihluat tuah lengmang hi a mah caah punghman in a kal cang.

A mah hi pumpululh kongah tonmi(experience) tampi a ngeih cang aa thei caah midang sinah chimchin/cawnpiak zong a huam ngai” tiah a chim.

Source; All Football

 

Sharing is caring!

Leave a Reply

Your email address will not be published. Required fields are marked *