Tu le nih hin Hringtu nu le chung an lawh deuh tawnnak hi rak rel ve hmanh

 

Nutar pawl hi an tu le he phundang ngai in pehtlaihnak an ngei tiah hmuh a si. Nutar pawl hi thawhkehnak sining(ci) lei in siseh, thinlung put(umtu ziaza) lei in siseh an tu le cungah influence tampi an ngei tiah theih a si.

Cun hngakchia pawl hi hringtu an nu le i nu(nutar) le he hmunkhat te ah an um lo zongah nutar le tu le cung ii a um mi pehtlaihnak cu chahkhawh a si hlei lo. A ruang cu tu le hi hringtu an nu le i nu(nutar, pi) le sinin DNA, chuahpi sinak(ziaza), thil duh mi phun le thinlung put pawl hi an co mi a si tiah theih a si.

Cun hngakchia pawl hi an nu paw chung an um lio hrim hin an pi le sining ziaza he an tthang cang tiah theih a si. Nutar (pi) le hi hringtu an nu le sinin siseh, an pa le sinin siseh an ngeih ko hna nain an nu lei in nutar(pi) le an lawh deuh hna tiah theih a si fawn.

Innchungkhar pakhat ah hin DNA(le sining ziaza le muisam) hi direct in a kal thluamah mi a si lo(hringtu nu le pa sinin a si dih lo). Mah ruangah hin pei cheukhat fale pawl cu an nu le pa he lawh loin an pi(nutar),pu(putar), pu(nu tta) le nute(an nu unau nu) he an i lawh tawnnak hi a si cu.

Mah ruangah hin hngakchia pawl cu an pi le he an i lawh dih lai tinak a si lem lo. A hlei in an hmeh, iang, an mit rong le an lam kal ningah an i lo lai. A caan ah cun hngakchia pawl hi an pi le sinin an ruh umtu ning, an titsa ngeih ning, cun chuahkehnak lei zawtnak(an pi nih ngeih mi) zong an co tawn tiah theih a si. Hngakchia pawl hi, a buaktlak in, 25% DNA cu an pi le pu sinin an co mi a si.

Hringtu nu lei in pi le nih hin an tu le sinah X-chromosomes hi 25% an coter khawh hna nain hringtu pa lei in pi le nih cun an tu le nu(nu a si mi lawng) sin lawngah an coter khawh hna ii tu le pa sinah cun an coter kho hna lo. Mah ruangah hin hngakchia pawl nih hin hringtu an pa lei ii an pi le he pehtlaihnak an ngei lo tinak cu a si lem lo. Tu le pawl hi hringtu pa lei chung caah siseh, hringtu nu lei chung caah siseh, an biapi ve ko caah i dawt hi a biapi bik mi a si ko.

Source; Shwemom

Sharing is caring!

Leave a Reply

Your email address will not be published. Required fields are marked *