Real Madrid nih Tottenham laikal pakhat cu fawi tein an auh khawh cang lai

 

Tottenham laikal Christian Eriksen cu Real Madrid lei ah aa tthial cang lai tiah Spain thawngzamh pakhat nih a langhter.

Real Madrid coach Zidane nih Man United laikal Pogba cu auh dingah a duh ngai ko nain Real Madrid president Perez nih cun Tottenham laikal Eriksen hi a duh deuh tiah a langhter fawn.

A mah Eriksen pumpak hrim zong nih tulio a umnak Tottenham cu kaltak in Real Madrid lei tthial a duhnak cu a langhter ve cang.

Eriksen nih “Tulio ka caan hi zaanglek ka sinak ah aa dang(khat lo) mi pakhat caah zuamcawhnak thar thawk caan a si cang.

Tottenham ka um chung ii a caang mi thil vialte hi ka upat dih ko hna. Nain a thar pakhat khat ah zuamcawh ka duh cang.

Real Madrid cu ka hmai ah a um mi team a si. Nain keimah hi an ka herh ah cun an team lei in Tottenham cu phone in an chawnh hna a hau lai.

Nain nihin tiang ka theih ningah cun mah bantuk in an tuah rih lo(keimah kongah pehtlaihnak an tuah rih lo)” tiah a chim.

Source; Goal Reader

Sharing is caring!

Leave a Reply

Your email address will not be published. Required fields are marked *