Nungak pahnih hna nih an hawinu cu fak taktak in an thah

 

Kum no te a si rih mi nungak pahnih hna nih an hawinu cu an mah nak in duh a nun deuh caah zir an ngeih ii an thah tiah theih a si. An thah lawng hmanh si loin zoh duh um lo tiangin an tuk/can dih tiah theih a si.

An thah mi nungak nu te cu an mah nak in aa dawh deuh ii duh a nun deuh caah tlangval pawl nih a mah lawngte biapi ah an chiah(usa pek) caah hna an chuah ii a hnu ah cun hawikom kar ah thahnawnnak tiang a phak hi a si.

A thi mi nungak nu te min cu Viktoria Averina a si ii Russia mi a si. A hawi le pahnih min cu Lina le Irina an si ii kum 16 lawng an si rih.

Viktoria Averina ruak cu Russia ram, Archangel khua ii an sak cuahmah mi inn pakhat ah an hlawt. Viktoria Averina cu kum 17 a si cang. Viktoria Averina hi dawtnak in Vika Averina tiah an auh mi a si.

Lina le Irina cu Palek nih an tlaih cang hna ii ‘kan mah nak in aa dawh deuh ii tlangval pawl nih an uar deuh caah kan thah’ tiah an chim.

Viktoria Averina hi an mahnak in aa dawh deuh caah caanttha aa lak ii a hawile pahnih cu sal bantuk in a chawnhbiak hna lengah nemneh phun in midang mithmuh ah a tuah tawn hna.

Mah ruangah Lina le Irina cu an thin an i sum kho ti lo ii Viktoria Averina cu sak lio mi inn chungah an lem ii an thah hi a si. Lina le Irina cu lainawnnak an tuah caah Russia phung ningin kum15 chung thongtlak an si lai.

Source; Mirror

Sharing is caring!

Leave a Reply

Your email address will not be published. Required fields are marked *