Minung ngai hi hngakchia nu te le a tlangval pa nih a tta pa cu a lu an tan ii an thah

 

Malaysia ram Taiping khua ah kum 14 a si mi sianghngakchianu te le a tlangval pa nih a tta (upa) an thah tiah theih a si. Sianghngakchianu te cu kum 14 lawng a si rih ii a tlangval pa te zong kum 15 lawng a si rih. An thah mi (hngaichianu a tta pa) cu kum 16 a si ve.

A tta pa te nih cun a farnu nih sianginn kai hrawkhrawl riangmang in a tlangval pa he an i date lengmang mi a theih ii a duh lo ngai caah an pahnih in a auh hna ii fak ngai in a sik hna. Mah ruangah hin a farnu nih a tta pa cu a huat ngai ii (aa cenat lo ngai) a taa pa cu khua lengah (a hlat ngai nak ah) a kal pi ii a hgawngah nam in an ah/at ii an thah.

A tta pa cu Kamunting ah thah a si ii a chungkhar pawl nih cun thah a si kha an theih lo caah a tlau tiah an ruah ii a tlau cang tiah thawngthanhnak an tuah. Nain Palek pawl nih a farnu le a tlangval pa cu an zumh hna lo caah thah a si in nihnih a rauh hnu July 7 ah an tlaih cang hna.

A thi mi pa min cu Sritharan tiah theih a si ii a mah hi Sekolah Menengah Kebangsaan(SMK) King Edward V ah sianginn a kai lio mi a si. A farnu le a tlangval pa nih a hngawng an tan ii plastic in an tuam hnu ah an hlawt tiah theih a si.

An mah pahnih hrim nih kan thah ko tiah an phuan cang caah an hmaan mi nam le a lu cu Palek sinah an pek cang tiah theih a si. Mah hna pahnih kongah thawngfiang cu a um rih lo nain an thah mi pa a pum cu Palek nih an lak ii zohfelnak an tuah lio a si tiah theih a si.

Source; Thadinma

Sharing is caring!

Leave a Reply

Your email address will not be published. Required fields are marked *