Man United nih Tottenham laikal pakhat auh an timh tthan cang

 

Man United nih an laikal Pogba cu sungdawh an si cang caah Tottenham Spurs laikal Eriksen cu auh dingah duhnak an ngei tthan cang.

Man United nih tulio transfer chungah hnukham ttha ngai mi an auh khawh cang hna ii hmaikal ttha zong an ngeih ko cang caah laikal lawng hi an bau cang tinak a si.

Man United nih an laikal Pogba an sungh ah cun Tottenham laikal Eriksen cu auh colh dingin timh tuahnak an ngei tiah theih a si.

Eriksen hi a mah pumpak hrim nih tulio transfer chungah team dang lei ah tthial a duh cang mi a si ii auh a duh mi team zong an tam ngai fawn.

Cun Man United nih Eriksen auh dingah hin namhnawhtuk in si loin Pogba sining tu zoh hmasa in colcangh te dingah timh tuahnak an ngeih hi a si.

Mah tthialnak kongah hin Eriksen thimnak nih bia a khiah ding a si. Man United club a thim ah cun a kal lai nain team dang a thim ah cun a thimnak lei ah kal ding a si.

Source; BT Sports

Sharing is caring!

Leave a Reply

Your email address will not be published. Required fields are marked *