Lukaku nih a saya hlun team lei ah kawl a khumh caah ngaihthiam a hal

 

Belgium le Scotland cu Euro 2020 qualifying an chuih ii Belgium nih 3-0 in an tei hna.

Mah puai ah cun Man United hmaikal Lukaku nih a ram Belgium caah kawl 2 a khumh khawh caah Belgium cu Group I ah Russia lonh in a pakhatnak an si cang.

Mah puai dih hnu ah Lukaku nih a saya hlun Steve Clarke(Scotland coach) cu ngaihthiamnak a hal tiah theih a si. Steve Clarke hi Lukaku Westbom team i a rak um lio ah khan Westbrom coach a rak ttuan mi a si.

Puai dih hnu ah Scotland coach Steve nih “puai dih hnu ah a mah (Lukaku) he kan i kuh len ii kan team lei ah kawl 2 a khumh caah ngaihthiam a ka hal.

Ngaihmanh u, Lukaku cu a tthat lei lam ah a um ii a mah he rianttuan tti cu a nuam ngai mi a si. A mah he kan rak ttuan tti lio kha cu mino zaanglek lawng a rak si rih i a tu cu a upa ve cang.

A mah hi kawl khumh a thiam ngai mi zaanglek a si ii Premier League team ngan pawl sin zongah a chuih ve cang.

A mah he lam kan kal pah in bia tampi kan i ruah ii hi nak in a ttha deuh mi zaanglek si dingah duhsaknak tampi a ngei rih” tiah a chim.

Source; Shwe Sports

Sharing is caring!

Leave a Reply

Your email address will not be published. Required fields are marked *