Laitlang khua pakhat ah min fak piin a cim caah sianginn an kai kho lo

 

Mindat peng Yatdoh khua ii sianginn lei kalnak lam pahnih hna cu min a cim caah an tlau(a hrawh dih) ii sianginn an kai khawh lo caah an khar beh tiah theih a si.

Salai Lun Than Ki nih “nithai zing sianginn lei kalnak lam pahnih a cim caah lam hrim a tlau dih. Sianghngakchia pawl hi khuathar in khuahlun lei ah menghnih hrawng kal in sianginn a kai mi an si. Nithaizing min a cim ruangah sianghngakchia cheukhat cu hliam fate tiang an tuar” tiah a chim.

Yatdoh khua sianginn hi Middle Class sianginn a si ii sianghngakchia 80 hrawng ca an cawnnak a si.

Yatdoh khua hi hlan deuh ah cun khuahlun ah an rak um ii khuathar lei an i tthial hnu ah an inn pawl cu an tthial dih cang nain an sianginn tu cu Cozah lei nih tthialnak nawl an pek hna lo caah khuahlun ah sianginn an va kainak hi a si tiah U Lun Than Ki nih a chim.

Yatdoh khua ii sianginn lei kalnak lam cu min cim ruangah a rawk mi an lam an remh khawh hlan cu sianginn khar dawh an si cang caah khuanu khuapa nih sianginn thar(khuathar) ah kan herh ko tiah an chim cang.

Source; CHIN WORLD MEDIA

Sharing is caring!

Leave a Reply

Your email address will not be published. Required fields are marked *