Juventus nih tukum chungah a zuar dingmi zaanglek paruk

 

Juventus nih nikum season ah khan phaisa tampi hmangin Ronaldo an cawk ii kum 5 chungah a voikhatnak coach thlennak zong an tuah.

Cun tukum chungah zaanglek thar pariat tiang an auh cang hna caah an zaanglek cheukhat pawl cu an chuahter hna a hau cang lai.

Juventus coach Sarri nih tukum Champions League timh tuahnak caah zaanglek paruk tiang dinhter an hau lai tiah a chim ve cang.

Tukum transfer chungah Juventus nih a zuar hna lai tiah zumh mi zaanglek paruk hna cu a tangah langhter an si.

1. Mattia Perin; Buffon aiawk tu dingah nikum an auh mi a si ii Buffon a kirtthan cang caah santlaihnak a ngei ti lo tiah zumh a si.

2. Daniele Rugani; a mah hi hnukham (central defense) caah an auh mi a si nain Juventus  nih De Ligt, Bonucci le Chiellini a ngeih ko cang hna caah hmunhma a ngei ti lo.

3. Blaise Matuidi; Juventus nih line-up ah a chuih kho tu ding laikal pa7 nak a ngeih cang hna caah Matuidi caah hmunhma a um tuk ti lo.

4. Mario Mandzukic; Mario cu a kum a upa ngai cang lengah Juventus nih Ronaldo, Dybala le Higuain aa ngeih ko hna caah Mario caah hmunhma ngah ding a har ko cang.

5. Marko Pjaca; a mah hi 2016 ah khan euro nuai 20 in an rak auh mi a si nain kum 4 chungah puai 14 lawng a chuih rih caah hmunhma a ngah ti lai lo ti cu a fiang ngai ko.

6. Juan Cuadrado; kum 31 a si cang mi Cuadrado cu a ke a chuak ngai ko nain Costa hnu ah(a pahnihnak) ah chiah peng a si lengah Dybala he pakhat poh zuar ding dirhmun an si cang caah Sarri nih mino deuh Dybala tu hi aa chiah ko lai tiah zumh a si.

Source; All Football

 

Sharing is caring!

Leave a Reply

Your email address will not be published. Required fields are marked *