Hringtu nu a si mi poah nih kan theih a herhtuk mi le kan tuah ding hrim mi

 

Nau (bawhte) a ngei mi Hringtu nu le nih an fale Hnuk an dinh hna tikah Bawhte nih a Nu hnuk chungin ti a din chih caah Nu le nih ti tam deuh nan din a hau.

Hnuk thlei rih lo mi Nau ngeitu Nu le hi dinh caan ngei loin(fale caah) rian an ttuan tawn(a bik in Lai lei). An fale caah caan tling in rian an ttuan. Mah ruangah hin an mah ca ngandamnak hi an philh ttheu tawn. Bawhte Hnuk an pek chung cu an Pawi lio ii rawlthaw(ei piak hrim ding) an ei bantuk in an ei piak ve a hau. Cun Nu le hi ti an din mi a tlawmtuk ah cun an fale ti dat an bau tawn.

Nu le nih hin ni fatin te ti tampi nan din piak a hau. Nangmah le na sining kha i zoh law ti tam deuh na herh si cun tam deuh piin din piak khawh i zuam(ti dat a bau mi nu le an um ve ttheu, mah pawl nih cun tam chinchin an din a hau). Hringtu Nu nih na din mi ti cu na fa nih a din ve kha philh hlah!

Cun ti sawhsawh lawng si loin tidat aa tel mi dinti(exam. juice, a aye) tampi zong a um ve caah mah pawl zong cu dinpiak khawh i zuam. Bawhte caah a ttha dingmi dinti din khawh i zuam. Cun thingtheihang le cawhnuk zong dinpiak khawh ah cun a ttha.

Bawhte ngei lio mi Nu pawl hi midang nak in an ti hal a tam deuh tawn. Tidat na bau le bau lo theih na duh ah cun na zun kha va zoh law na zun a raanthian ah cun tidat na bau lo tinak a si lai. A raanthian(white) lo ah cun tidat na bau tinak a si ko.

A si khawh ah cun na kalnak kip ah tidur i ken peng kho law a ttha lai. Na ti hal poah ah dinpiak khawh i zuam. Cun phayeti, retei hang le lingmaw hang zong an ttha ngai, na si khawh ah cun dinpiak khawh i zuam ve.

Hngakchia le tidat a bauter tu din mi pawl cu coffee, soda aa tel mi juice, zu le hlakphakti pawl an si caah mah pawl hi din lo i zuam. Cun a thlum tuk mi pawl zong tamtuk dinpiak hlah. Cun tisik anhnah hang(juice) na din tik zongah hin a hninghno mi pawl lawng din khawh i zuam. A hninghno ti lo mi ei din nak nih hngakchia caah chiatnak a chuahpi khawh caah hrial i zuam.

Source; Kalay

 

 

Sharing is caring!

Leave a Reply

Your email address will not be published. Required fields are marked *