Colombia he an sungh hnu ah Messi nih an sining kong a chim

 

2019 Copa America cu Brazil ramah an tuah ii Group B ah a ciah mi Argentina le Colombia an chuih ii Colombia nih 2-0 in an tei hna.

Puai dih hnu ah Messi nih “fiang tein ka chim ah cun mah hihi(2-0 in an sungh mi) thawk kan rak duh mi bantuk cu a si lo, nain kan cohlan a hau mi a si.

Mah sunghnak ruangah hin ttuanvo kan lak a hau ii hmailei ah ding tein kan kal a hau. Copa America zuamnah ii hi bantuk in sunghnak he thawk cu a fawi lo mi a si cang.

Sunghnak hi zeitikhmanh ah a ttha bal lo, a fak ngai mi a si. Pumpululh cu ttha tein an tlaih/tthing nain caanttha an ser kho ve lo. Half-time hnu cun kan ttha deuh ngai cang nain an mah tu nih kawlkhat a kan khumh.

Cun ttha tuk in kan chuih lio ah a sunglawi ngai mi kawlkhat a kan khumh tthan caah kan fak ngai cang. Sunghnak ruangah hin ngaihchia, lungnuam lo ngai le thinhun ngai in kan kir lai. Mah thil hi a cang taktak mi a si cang ai…

A tu bantuk in kan ttah peng ah cun Paraguay he kan chuih tikah biatak tein kan chuih kho lai lo. Mah ruangah kan kal chin lengmang lai.

A ra lai mi puai caah hin challenge nak tampi a um caah mah challenge nak hi kan cohlan a hau. Mah challenge caah hin kan za tein ready kan si cang. A tu cu kan thawk ka te lawng a si rih ko caah Paraguay kan tei ah cun kan sining aa ning ngai ko lai” tiah a chim.

Source; All Football

Sharing is caring!

Leave a Reply

Your email address will not be published. Required fields are marked *