Bruno Fernandes nih a hmailei kongah phuannak a tuah ve cang

 

Sporting Lisbon ah a ke a chuak ngai mi laikal Bruno Fernandes cu Premier League i team ngan cheukhat nih auh an duh caah a hmailei kong he pehtlai in phuannak a tuah ve cang.

Bruno Fernandes nih 2018-2019 season chungah Sporting Lisbonteam caah kawl 31 a khumhpiak hna ii mi kawl ding zong voi 17 bak a tuahpiak khawh hna.

Bruno Fernandes cu Man United, Inter Milan, Liverpool le Arsenal bantuk team ngan hna nih auh dingah an zoh ko lio a si.

Man United nih Bruno Fernandes caah euro nuai 70 bak hman dingah timhcia an si cang tiah thawngzamh hna nih an langhter.

Mah kong he pehtlai in Bruno nih Sport Mediaset lei ah “zeihmanh ka thei lo. Zei thawngpang hi dah a dik timi cu a rauh hlanah fianternak ka tuah te lai. Thawngzamh pawl nih hin a caan ah cun phaisa hmuhnak caah thawngpang hi an chuah tawn ti cu kan theih cio cang mi a si.

A tu zong team ngan pakhat ah ka um ko. Mah ruangah team dangah tthial zong a hau lo ii chuah ding zong kaa zuam fawn lo. Al awk ttha lomi caanttha kan team sin a phak ah cun Sporting he ceihhmainak kan ngei te lai” tiah a chim.

Source; Goal Reader

Sharing is caring!

Leave a Reply

Your email address will not be published. Required fields are marked *