Brazil legend pakhat cu tukum Ballon d’Or ngah dingah aa tlak a timi a phuan tthan cang

 

Brazil le Barcelona legend Rivaldo nih tukum Ballon d’Or cu Messi nih a ngah ding a si tiah a chim tthan.

Messi hi a luancia mi season dih hlan le dih ka te ah khan cun Ballon d’Or ngah dingah an rak zumh bik mi a si nain Champions League le Copa America ah ruah ning bantuk in a ti khawh lo caah Ballon d’Or ngah dingah zumh tuk mi a si ti lo.

Nain Brazil legend nih cun tukum chung ii Messi nih a tuah mi vialte caah Ballon d’Or ngah dingah a phu ko tiah a chim.

Rivaldo nih “Keimah ka ruah ningah cun, tukum Ballon d’Or hi Messi nih a ngah ding a si. Messi nih Champions League a ngah lo nain mah hi cu(Ballon d’Or) pumpak in pek mi laksawng a si. Messi nih tukum(a luancia mi season in nihin tiang) chungah kawl tampi a khumh lengah a biapi tuk mi kawl zong tampi a khumh hna. Mah ruangah hin Messi cu Ballon d’Or co dingah aa tlak” tiah a chim.

Source; All Football

Sharing is caring!

Leave a Reply

Your email address will not be published. Required fields are marked *