Barcelona laikal pakhat cu Man United nih auh dingah hlathlainak an tuah tthan cang

 

Man United team nih tukum chungah Barcelona team in chuah aa tim cang mi laikal Rakitic cu auh dingah timh tuahnak an ngei tthan cang tiah theih a si.

Man United team le Spain laikal Herrera karah hnatlaknak an ngeih khawh ti lo caah Man United coach Solskjaer nih Rakitic cu Herrera hmun rawlhtu dingah auh a duhnak hi a si.

Spain thawngzamh pakhat a si ve mi Sport nih Man United team nawl ngeitu pawl nih Barcelona team nawl ngeitu pawl sinah Ratikic man khiah piak dingah an hal cang hna tiah a langhter. Nain Barcelona lei cun thawngfiang theih rih lo a si.

Kum 31 a si cang mi Croatia laikal Rakitic cu Barcelona lei nih kum sau deuh umter dingah hnatlak minthutnak tuahpiak an timh ti lo caah chuak a duh ve nak hi a si ii Man United lengah Inter Milan zong nih auh an duh ve tiah theih a si.

Source; Goal Reader

Sharing is caring!

Leave a Reply

Your email address will not be published. Required fields are marked *