Argentina coach nih Copa America kan lak ah cun kaa din colh lai tiah a chim

 

Argentina coach Lionel Scaloni nih tulio Brazil ram i an tuah mi Copa America ah hin Argentina nih pakhatnak an ngah ah cun coach vawlei in kaa din cang lai tiah capo phun in a chim.

Argentina cu a luancia mi Copa America ah khan final tiang voihnih an phan nain pahnihnak he lawng an kir kho. Cun 2018 World Cup zongah khan last-16 ah an sungh caah an coach pa cu an chuah ii Lionel hi ttuanvo an pek mi a si.

Lionel Scaloni nih “Copa America ah teinak kan hmuh ah cun kaa din colh ko lai. Tulio ka team nih hin a luancia mi Copa America ah khan final voihnih tiang an phan cang. Mah bantuk in final phak hi a hartuk timi hi theih a herh ngai mi a si. Tukum zong hi a har ngai ko lai.

Cun puai kan chuih mi poah ah ttha tein le zuam ngai in chuih dingah kan rak phan cang ii zaanglek pawl zong nih zeidah an tuah khawh timi cu an langhter cang lai.

Cun Messi aa zuamnak le Argentina ram he teinak hmuh a duh tuk mi nih hin a kan lomhter ngai. Hi ruangah hin a mah cungah upatnak tampi kan ngei” tiah a chim.

Source; Goal Reader

Sharing is caring!

Leave a Reply

Your email address will not be published. Required fields are marked *