Argentina captain nih Brazil he an sungh lio ii referee a soisel nak cu Thiago Silva nih a van let ve cang

 

Brazil hnukham Thiago Silva nih Messi thinhun mi kha a phung si ko, 2017 ii Barca he kan sungh lio zongah khan mah tuarnak (feeling) kha kan rak ngai ve ko tiah a chim.

Messi nih “kan hnu lei ii ka rak chim mi bia(Brazil cerhmun a soisel) ruangah khan ka tuar cang rua(Brazil he an sungh caah a chim mi bia)” tiah a chim caah Thiago Silva nih letnak a tuah ve cang.

Thiago Silva nih “mah kong comment(lehnak tuah) hi cu a har ngai rua tiah ka ruah. A caan ah cun kan sungh tikah hin midang lawng khi kan puh dih tawn hna. Mi thangchiat a duh ruangah a chim mi cu a si theng lai lo tiah ka ruah. Kan ngeih a rak chia ngai ve, Barcelona he 6-1 in kan rak sungh lio ah khan. Referee kha a mah lei ttang dingin a sawm ii…nichuak ngai a si, ka ruah ningah cun.

Nain mah kongah khan referee kha Barcelona lei ttang in a um tiah zeihmanh kan rak chim lo. Zei a si hmanh ah upat zia kan thiam a hau” tiah a chim.

Cun Brazil le PSG zaanglek Marquinhos nih ” Messi hi a ttha ngai mi minung a si, nain a chim mi pawl kha a chiat ngai caah kan mah Brazil zaanglek pawl nih kan cohlang kho lo. Barcelona he kan sungh lio zongah khan referee nih Barca lei ttang in a palh mi a tampi ko nain mah lio ah khan ziknawh einak(corruption) kongah a chim mi pakhat hmanh ka thei lo” tiah a chim ve.

Cun Peru coach Richardo Gareca zong nih Messi cu ka upat ngai mi zaanglek le minung a si nain a chim mi cungah ka lung a tling ve lo tiah a chim ve.

Source; All Football

Sharing is caring!

Leave a Reply

Your email address will not be published. Required fields are marked *