Ancelotti nih Champions League cu Barcelona nih an co lai tiah a chim

 

Coach lei ah tonnak (experience) tampi a ngei cang mi Napoli coach Ancelotti nih tukum Champions League kongah a ruahnak a chim ve cang.

A luancia mi season chungah khan Premier League team pawl nih Champions League cu an uk ngai nain tukum cu team dang nih an ngah cang lai tiah a chim.

Ancelotti nih “Keimah zumh ningah cun Barcelona hi champion co dingah aa tlak pengmi team an si. Barcelona ah hin Messi bantuk zaanglek dang zong an um hna.

Mah ruangah hin Barca nih a sangbik timi hi an ngah khawh ko lai. A sangbik timi cu Champions League hi a si ko. An auh cang mi zaanglek pawl zong zoh ah cun an ttha ngai ii tukum zuamcawhnak ah hin an ttha ngai cang lai.

Mah zawnah cun Italy pumpululh vawlei cu Laliga le Premier League nakin tlawmpal cu a niam deuh. Nain pakhat khat cu a tthangcho deuh ve cang. A luancia mi season ah khan Ronaldo cu Juventus lei a rak phan. Kan mah League caah cun a biapi tuk hen ta…

Hmailei ah cun Italy pumpululh vawlei hi a tthangcho ngai ko lai tiah zumhnak ka ngei. Cerhmun hna zong an remh cang hna. Duhsah tein Italy pumpululh vawlei hi a tthangcho lengmang cang” tiah a chim.

Source; BT Sports

Sharing is caring!

Leave a Reply

Your email address will not be published. Required fields are marked *