A hnubik pumpululh thawngpang cheukhat

 

Wayne Rooney cu Man U i a rak chuih tti hawi le cheukhat pawl nih Mourinho an chuah hlan deuh te ah khan Mourinho le zaanglek pawl har ii i theithiam lonak kong cu an theihter ve tiah theih a si. Rooney hawi le nih Mourinho cu chuah ding a si cang caah Man U ah thlennak a um cang lai tiah thawng an ka theihter tiah interview ah a chim. Cun Rooney nih Mourinho an chuah  mi cu thil ttha pakhat a si, Man U nih thlennak pakhat khat a herh cang tiah a chim fawn.

 

Barca legend Puyol cu nikum Major League ii pakhatnak a ngahtu Atlanta United FC nih manager ah an thim lai tiah ESPN nih a langhter.

 

Juventus coach Allegri nih Ronaldo Juventus lei a rak phan hnu ah Juventus zaanglek pawl cu an mah le an mah cungah zumhnak an ngei deuh cang tiah a chim. Juventus cu Roma 1- 0 in an tei ruangah puai 17 chuih, puai 16 tei le puaikhat itluk a si caah Juventus tuanbia ah an tthat bik kum a si, a voikhatnak sungh puai um loin puai 17 tiangh an chuihnak a si faw.

 

Chelsea coach Sarri nih Premier League champion dingah Liverpool dawi ding cu Chelsea caah a si kho ti lo tiah a chim cang. Liverpool le Chelsea cu mark 11 bak in an i thlau cang caah mah ti hin Sarri nih a chimnak a si. Cun Sarri nih hmaikum Champion League zuamcawhnak ah tel kho vc dingin kan i zuam lai tiah a chim fawn.

 

Man U laikal Paul Pogba nih Cardiff cu 5-1 in an tei hnu ah Mourinho nih a chimh mi cungah lawmhnak bia a chim. Mourinho a chuahnak ruang cu a pakhatnak ah Pogba a si tiah an ti ko nain Pogba nih Mourinho nih a ka thanchoter ii patling a ka siter deuh caah a cungah kaa lawm tiah a chim.

Source; Shwemom

 

Please follow and like us:

1 thought on “A hnubik pumpululh thawngpang cheukhat

Leave a Reply

Your email address will not be published. Required fields are marked *