2019 Women World Cup star Alex Morgan nih Messi le Ronaldo ah a uar deuh mi a thim

 

USA ram mi Alex Morgan hi nu pumpululh celh thiam ah cun minthang bik a si ii a thiamnak lawngah si loin a mui zong aa dawh ngai caah pa tampi nih an uar ngai mi zaanglek a si.

Kum 30 a si cang mi Alex Morgan hi America ram caah puai 169 a chuih cang ii kawl 107 bak a khumh khawh cang caah Messi le Ronaldo nak in kawl tam deuh a khumh khawh cang tinak a si. Nu le pa cu an i dang ko nain a thiamnak cu upat tlak ngai a si ve.

Morgan cu America ram he 2012 London Olympic le Canada i an tuah  mi 2015 Nu World Cup ah GOLDEN BOOT a ngah caah Nu Messi tiah an auh mi a si. Cun Morgan cu Messi le EA SPORTS cover ah tar a rak si bal ve.

Cun Morgan cu 2019 Nu World Cup ah champion an si tthan caah a voithumnak World Cup a ngah mi a si cang. Mah World Cup ah hin kawl 6 a khumh caah SILVER BOOT a ngah tthan.

Alex Morgan cu Ronaldo le Messi ah hin hodah a thiam deuh tiah an hal ii “Messi tiah ka chim lai. A mah hi tampi in a ttha deuh ko. Ka zoh bal mi zaanglek vialte nak in a level cu a sangdeuh tuk. A mah zoh cu lung a tur ko” tiah a leh hna.

Source; BT Sports

Sharing is caring!

Leave a Reply

Your email address will not be published. Required fields are marked *